Heddlu yn dod o hyd i gorff dyn yn y Fflint

Mae Heddlu'r Gogledd wedi cadarnhau eu bod nhw wedi dod o hyd i gorff dyn yn y Fflint ddydd Sadwrn.

Dywed y llu bod y farwolaeth yn cael ei thrin fel un anesboniadwy ac mae'r crwner wedi cael gwybod.

Mae presenoldeb heddlu yn parhau ar Ffordd Caer, lle cafwyd hyd i'r corff, tra bod ymholiadau'n parhau.

"Nid ydym eto mewn sefyllfa i ryddhau manylion pellach," meddai'r heddlu.