Apêl plismyn wedi gwrthdrawiad ym Maenan ger Llanrwst
- Cyhoeddwyd
Fe ddigwyddodd y gwrthdrawiad ger mynediad Gwesty Abaty Maenan
Mae Heddlu'r Gogledd yn apelio am dystion wedi gwrthdrawiad ar ffordd yr A470 ym Maenan, Llanrwst brynhawn Sul.
Dywedodd y Sarjant Jason Diamond: "Roedd car Mazda 6 glas a Peugeot 208 du yn gysylltiedig â'r gwrthdrawiad.
"Bu'n rhaid i ddynes oedrannus gael ei chludo i ysbyty Stoke gan yr ambiwlans awyr a bu'n rhaid i dri pherson arall gael triniaeth ysbyty.
"Ry'n yn apelio ar unrhyw un oedd yn yr ardal neu a welodd y gwrthdrawiad am oddeutu 15:10 i gysylltu â ni.
"Fe ddigwyddodd y gwrthdrawiad ger mynediad Gwesty Abaty Maenan."
Mae tystion neu unrhyw un sydd â lluniau fideo camera dashfwrdd yn cael eu hannog i gysylltu â'r heddlu drwy ffonio 101.