Seiclwr wedi marw mewn gwrthdrawiad ger Pen-y-Pass
- Cyhoeddwyd
Fe ddigwyddodd y gwrthdrawiad ar y ffordd rhwng Nant Peris a Phen-y-Pass
Mae seiclwr wedi marw yn dilyn gwrthdrawiad gyda bws ar ffordd yn Eryri.
Fe ddigwyddodd y gwrthdrawiad ar yr A4086 rhwng Pen-y-Pass a Nant Peris.
Cafodd y gwasanaethau brys eu galw am o gwmpas 11:40 ddydd Sadwrn, gan gadarnhau bod dyn 66 oed wedi marw yn y fan a'r lle.
Roedd y ffordd ar gau tan yn gynnar nos Sadwrn.
Mae Heddlu Gogledd Cymru'n apelio am wybodaeth a lluniau dashcam, ac mae swyddogion arbenigol yn rhoi cefnogaeth i deulu'r dyn a fu farw.