Y Bencampwriaeth Rygbi Unedig: Gweilch 18-14 Caerdydd

Cicio cywrain Gareth Anscombe sicrhaodd y fuddugoliaeth i'r Gweilch

Y Gweilch oedd yn fuddugol yn erbyn Rygbi Caerdydd nos Sadwrn mewn gêm oedd wedi'i dominyddu gan gicio cywrain Gareth Anscombe.

Ni sgoriodd y tîm cartref unrhyw geisiadau, ond enillon nhw'r gêm trwy gicio chwe chic gosb.

Sgoriodd asgellwyr Caerdydd, Josh Adams ac Owen Lane cais yr un i Gaerdydd.

Ond fe fanteisiodd y Gweilch ar ddisgyblaeth wael yr ymwelwyr yn rhoi cyfle i Anscombe ddod mewn i'r gêm yn aml i gicio o'r dwylo ac i'r pyst.

Hon oedd ail fuddugoliaeth y Gweilch mewn gêm ddarbi, ar ôl iddyn nhw ennill yn erbyn y Dreigiau ar benwythnos agoriadol y Bencampwriaeth Rygbi Unedig ym mis Medi.