Arestio menyw wedi i blentyn farw mewn gwrthdrawiad
- Cyhoeddwyd
Fe ddigwyddodd y gwrthdrawiad ar groesffordd Heol Goffa yn Llanelli nos Wener
Mae menyw wedi cael ei harestio ar ôl i blentyn farw mewn gwrthdrawiad yn Llanelli nos Wener.
Cafodd Heddlu Dyfed-Powys eu galw i'r gwrthdrawiad rhwng BMW glas a Vauxhall glas ar groesffordd Heol Goffa yn y dref am tua 21:00.
Dywedodd y llu y bu farw plentyn oedd yn teithio yn un o'r cerbydau o ganlyniad i'r gwrthdrawiad. Dydyn nhw ddim wedi manylu am oedran y plentyn.
Mae'r fenyw, oedd yn teithio yn y cerbyd arall, wedi cael ei harestio ar amheuaeth o achosi marwolaeth trwy yrru'n beryglus ac yn parhau yn y ddalfa.