Y Bencampwriaeth: Coventry City 1-2 Abertawe
- Cyhoeddwyd
Jamie Paterson yn sgorio'r gôl agoriadol i'r Elyrch nos Fawrth
Roedd Jamie Paterson a Joel Piroe ar y targed unwaith eto wrth i Abertawe ddod â record gartref ddi-guro Coventry City yn y Bencampwriaeth y tymor hwn i ben.
Sgoriodd Paterson yn gynnar cyn i ergyd ddifflach Piroe ei gwneud hi'n 2-0 i'r ymwelwyr o fewn y 12 munud agoriadol.
Peniodd Kyle McFadzean Coventry yn ôl i mewn i'r gêm, ond daliodd Abertawe ymlaen am driphwynt pwysig.
Mae tîm Russell Martin yn dringo i 10fed yn y tabl yn dilyn eu pedwaredd fuddugoliaeth yn eu pum gêm ddiwethaf.