Apêl ar ôl darganfod corff mewn car ar dân yn Eryri

Cafodd yr heddlu eu galw i oedd gar ar dân ar yr A498 ger Nant Gwynant ar brynhawn Llun

Mae'r heddlu'n apelio am wybodaeth wedi i gorff gael ei ddarganfod mewn car oedd ar dân ar ffordd yn Eryri.

Cafodd yr heddlu eu galw i adroddiad o ffrwydrad swnllyd a char ar dân ar yr A498 ger Nant Gwynant toc cyn 14:00 brynhawn Llun, 2 Hydref.

Cafodd corff ei ddarganfod wrth olwyn y car.

Mae Heddlu Gogledd Cymru yn ceisio adnabod y corff a chadarnhau amgylchiadau'r digwyddiad.

Maen nhw'n apelio am wybodaeth gan unrhyw un welodd y ffrwydrad neu'r car cyn y digwyddiad.