Cefnogi penodi Swyddog Materion Cymraeg llawn amser

Prifysgol Caerdydd

Bydd y mater nawr yn mynd gerbron Bwrdd yr Ymddiriedolwyr

Mae cyfarfod blynyddol Undeb Myfyrwyr Prifysgol Caerdydd wedi cefnogi cynnig i benodi Swyddog Materion Cymraeg llawn amser - cynnig fydd nawr yn mynd gerbron Bwrdd yr Ymddiriedolwyr.

Roedd yna anniddigrwydd ymhith nifer o fyfyrwyr nad oedd gan Brifysgol Caerdydd Swyddog Materion Cymraeg llawn amser, er mai hi yw'r brifysgol fwyaf.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Undeb Myfyrwyr Caerdydd

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Yn 2018 fe gafodd cynnig ei gymeradwyo a fyddai, ym marn y cynigwyr, wedi arwain at benodi swyddog llawn amser.

Ar y pryd, dywedodd Undeb Myfyrwyr y brifysgol mai galw ar Fwrdd yr Ymddiriedolwyr i ystyried creu'r swydd oedd y cynnig, a dim mwy na hynny.

Yn 2019 fe sefydlwyd gweithgor i edrych ar y sefyllfa ond gan nad oedd fawr wedi digwydd roedd rhai myfyrwyr yn honni bod yr undeb wedi defnyddio'r pandemig fel "esgus" i beidio gweithredu.

'Mae'n anodd iawn 'neud y swydd yn rhan-amser,' medd Annell Dyfri

Annell Dyfri yw Swyddog yr Iaith Gymraeg ar hyn o bryd - swydd rhan amser - ac fe lansiodd hi ddeiseb ar-lein yn pwyso am newid.

'Pŵer nawr gyda'r ymddiriedolwyr'

Wrth ymateb i'r ffaith bod yr undeb wedi cefnogi cynnig i benodi Swyddog Materion Cymraeg llawn amser dywedodd: "Mae cymaint o fyfyrwyr cyn ni wedi bod yn yr un sefyllfa â ni o'r blaen a 'dan ni'n ail adrodd y broses mewn ffordd ac yn dangos bod ni dal yma yn dal i frwydro a bod ni'n haeddu cael eu clywed.

"Felly mae'r myfyrwyr wedi siarad, ma'r pŵer nawr gyda'r ymddiriedolwyr ond 'dan ni wedi bod fan hyn yn barod - felly mae'n amlwg bod hon yn broblem sydd dal yn effeithio arnon ni fel myfyrwyr cyfrwng Cymraeg."

Ychwanegodd bod nifer o'r myfyrwyr yn teimlo'n angerddol am y mater.

"Mi oedd pobl yn cymeradwyo am oesoedd ar ôl i mi orffen yr araith," meddai, "pobl yn sefyll ar eu traed, pobl yn gweiddi, pawb o blaid, pob un myfyriwr o blaid y newid yma.

"Felly yn amlwg mae'n rhywbeth ma'r myfyrwyr yn teimlo'n angerddol amdano fe... gobeithio yn wir nawr 'neuth yr undeb wrando ar lais y myfyrwyr.

"Mae 'na alw mawr am swyddog llawn amser yma fel sydd 'na ym mhrifysgolion eraill Cymru.

"Mae'n swydd heriol yn enwedig pan yn 'neud [hi'n rhan amser] fel rhan o'ch cwrs yn y drydedd flwyddyn."

Pynciau cysylltiedig

Straeon perthnasol