Cwpan Pencampwyr Ewrop: Rygbi Caerdydd 7-39 Toulouse

Rygbi CaerdyddHugh Evans

Roedd Rygbi Caerdydd ar y blaen am gyfnod wedi cais Josh Adams

Brwydr Dafydd yn erbyn Goliath oedd hi brynhawn Sadwrn ar Barc yr Arfau wrth i dîm Rygbi Caerdydd orfod wynebu y pencampwyr heb 32 o'u chwaraewyr gan eu bod yn hunan-ynysu ar ôl dychwelyd o Dde Affrica.

Ond wedi 21 munud roedd Caerdydd ar y blaen (7-6) wedi cais Josh Adams a chic lwyddiannus Jason Tovey.

Ond er perfformiad annisgwyl o dda gan y tîm cartref a chamgymeriadau gan yr ymwelwyr, Toulouse oedd yn fuddugol wedi ceisiau gan Anthony Jelonch, Pita Ahki, Antoine Dupont, Arthur Bonneval a Joe Tekori.

Cicio Romain Ntamack a sicrhaodd y pwyntiau eraill i'r ymwelwyr - dwy gic gosb a phedwar trosiad.

Y sgôr terfynol oedd Caerdydd 7, Toulouse 39 gyda'r ymwelwyr yn sicrhau pwynt bonws.

Cyn y gêm roedd Gruff Rees, Hyfforddwr Dros Dro Rygbi Caerdydd, wedi dweud ei bod hi'n bwysig i'r tîm ddangos balchder.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Chwaraeon Radio Cymru

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Ddechrau'r wythnos fe wnaeth y Scarlets ildio eu gêm yng Nghwpan Pencampwyr Ewrop yn erbyn Bryste a oedd fod i'w chynnal ddydd Sadwrn gan fod rhan fwyaf y garfan yn hunan-ynysu yn Belffast.

Pynciau cysylltiedig

Straeon perthnasol