Y Bencampwriaeth: Caerdydd 4-0 Peterborough United
- Cyhoeddwyd
Dathlodd Joe Ralls ei gôl trwy ddal crys fel teyrnged i'r capten Sean Morrison (top chwith) sydd wedi'i anafu
Cafodd Caerdydd hwb sylweddol yn y frwydr i aros yn y Bencampwriaeth wrth sicrhau buddugoliaeth gyfforddus gartref i Peterborough United.
Fe lwyddodd y tîm cartref i rwydo ddwywaith yn yr hanner cyntaf gyda goliau i Joe Ralls ac Aden Flint.
Gwnaeth foli Jordan Hugill hi'n dair, wedi rhediad a chroesiad ysblennydd gan Cody Drameh, cyn i Uche Ikpeazu ddod ymlaen i sgorio pedwaredd yr Adar Gleision.
Mae'r fuddugoliaeth yn mynd â Chaerdydd 12 pwynt yn glir o Peterborough a'r tri isaf.