Anaf difrifol i Ross Moriarty wrth i'r Dreigiau golli'n drwm

Cafodd Ross Moriarty ei gludo oddi ar y maes yn yr hanner cyntaf

Cafodd Ross Moriarty anaf difrifol yr olwg wrth i'r Dreigiau golli'n drwm unwaith eto yn Ne Affrica ar noson anodd yn erbyn Sharks yn y Bencampwriaeth Rygbi Unedig.

Roedd y Dreigiau yn dal eu tir tan i Moriarty gael ei orfodi i ffwrdd, mewn cryn boen, yn ystod yr hanner cyntaf.

Ymatebodd Sharks gyda cheisiau gan Bongi Mbonambi ac Ox Nche cyn i gais unigol gwych gan Werner Kok, dau gais cosb a sgôr Anthony Volmink selio buddugoliaeth pwynt bonws o 51-3.

Roedd hi'n noson siomedig iawn i'r Dreigiau, gyda thri chwaraewr yn derbyn cerdyn melyn. Mae'n dilyn colled o 55-20 i'r Bulls yr wythnos flaenorol.