Pencampwriaeth Rygbi Unedig: Scarlets 35-20 Caerdydd
- Cyhoeddwyd
Johnny McNicholl yn sgorio dau gais i'r Scarlets a hynny ar ei 100fed ymddangosiad
Roedd yna fuddugoliaeth pwynt bonws i'r Scarlets nos Sadwrn yn erbyn Caerdydd er i Sione Kalamafoni gael cerdyn coch yn gynnar yn yr ail hanner am dacl beryglus yn erbyn Gwilym Bradley.
Johnny McNicholl oedd yn gyfrifol am sgorio dau o geisiau'r Scarlets ac fe lwyddodd Sam Costelow i sgorio 20 pwynt gan gynnwys cais arbennig wedi 22 munud.
Josh Adams ar yr asgell a James Botham a sgoriodd i Gaerdydd - y naill wedi 13 munud a'r llall ar ddiwedd y gêm.
Nid y Scarlets yn unig wnaeth droseddu. Roedd yna ddau gerdyn melyn i Gaerdydd - un i Adams am daro'r bêl ymlaen yn fwriadol a'r llall i Dillon Lewis am droseddau yn y sgrym.
Bydd y ddau dîm yn wynebu ei gilydd eto'r penwythnos nesaf - y tro hwn yng Nghaerdydd.