Apêl heddlu wedi gwrthdrawiad angheuol ym Môn
- Cyhoeddwyd
Mae blodau wedi'u gosod ar Lôn Conwy, Benllech, yn dilyn y gwrthdrawiad brynhawn Sadwrn
Mae Heddlu'r Gogledd yn apelio am wybodaeth wedi gwrthdrawiad ar Lôn Conwy, ym Menllech ar Ynys Môn brynhawn Sadwrn.
Bu farw cerddwraig yn ei 60au yn y fan a'r lle.
Fe ddigwyddodd y gwrthdrawiad oddeutu 15.50 brynhawn Sadwrn ac roedd car Mercedes lliw arian llwydaidd yn gysylltiedig â'r digwyddiad.
Mae plismyn yn awyddus i unrhyw un oedd yn dyst i'r hyn a ddigwyddodd neu sydd ag unrhyw wybodaeth i gysylltu â nhw drwy ffonio 101.