Gronant: Un wedi marw ac un arall yn yr ysbyty
- Cyhoeddwyd
Mae person wedi marw ac un arall yn yr ysbyty ar ôl gwrthdrawiad ffordd yn Sir y Fflint.
Cafodd Heddlu'r Gogledd eu galw i'r A548 yn ardal Gronant yn gynnar iawn fore Sul.
Dywedodd y Sarjant Emlyn Hughes mai BMW arian oedd yn rhan o'r digwyddiad.
"Mae un person wedi ei gludo i'r ysbyty ac mewn cyflwr difrifol ac yn anffodus mae'r person arall yn y cerbyd wedi marw," meddai.
"Rydym yn apelio ar unrhyw un a oedd yn yr ardal neu a allai fod wedi gweld y gwrthdrawiad a ddigwyddodd tua 04:54 i gysylltu â ni."