Dyn 76 oed wedi marw ar ôl i'w gar daro wal yn sir Conwy
- Cyhoeddwyd
Fe wnaeth y car daro wal ar Ffordd Llandudno ym Mae Penrhyn am tua 14:50 ddydd Llun
Mae dyn 76 oed wedi marw ar ôl i'w gar daro wal ym Mae Penrhyn brynhawn Llun.
Dywedodd yr heddlu eu bod wedi cael eu galw i'r digwyddiad ar Ffordd Llandudno am tua 14:50.
Cafodd y dyn ei gludo i'r ysbyty wedi i'w gar Citroen C3 Picasso daro'r wal. Bu farw yn fuan wedi hynny.
Cadarnhaodd Heddlu Gogledd Cymru eu bod yn ymchwilio i'r digwyddiad.