Bagillt: Dau wedi marw a thri wedi'u hanafu mewn gwrthdrawiad
- Cyhoeddwyd
Mae dau berson wedi marw a thri wedi cael anafiadau difrifol yn dilyn gwrthdrawiad yn Sir y Fflint fore Gwener.
Dywedodd yr heddlu fod car BMW wedi bod mewn gwrthdrawiad ar yr A548 yn ardal Bagillt yn oriau mân y bore.
Cafodd y ffordd ei chau i'r ddau gyfeiriad am gyfnod, ond mae bellach wedi agor.
Gofynnodd Heddlu Gogledd Cymru i unrhyw un welodd y BMW 330 gwyn cyn 02:30, neu all fod â lluniau dashcam o'r cerbyd, i gysylltu gyda nhw.