Y Bencampwriaeth: Abertawe 1-1 Middlesbrough
- Cyhoeddwyd
Gêm gyfartal oedd hi yn Stadiwm Swansea.com ddydd Sadwrn gydag Abertawe'n croesawu Middlesbrough i'r ddinas.
Roedd Abertawe'n dominyddu a'r bêl yn eu gafael ran fwyaf y gêm.
Daeth gôl i Middlesbrough funud wedi'r ail hanner gyda McGree yn llwyddo i daro cefn y rhwyd.
Obafemi yn taro'n ôl wedyn gyda chefnogaeth Piroe ac yn sgorio gôl i'r tîm cartref funudau'n ddiweddarach.
Dyna'r diwedd ar y goliau a'r sgôr terfynol yn 1-1.
Mae Abertawe'n syrthio i'r 14eg safle ond yn dod â'r tymor i ben yn ddigon taclus gyda rhediad da o wyth gêm heb eu colli dan arweiniad Russell Martin.