Gwrthdrawiad: Dyn 18 oed wedi marw a thri wedi'u hanafu
- Cyhoeddwyd
Fe ddigwyddodd y gwrthdrawiad ddydd Sul yn Nrenewydd Gelli-farch
Mae dyn, 18, wedi marw a thri arall wedi cael eu hanafu yn dilyn gwrthdrawiad yn Sir Fynwy.
Dywed Heddlu Gwent bod y gwrthdrawiad rhwng dau gar - Peugeot 5008 a Ford Focus - wedi digwydd ar Ffordd Brynbuga yn Nrenewydd Gelli-farch oddeutu 13:30 ddydd Sul.
Bu farw dyn a oedd yn teithio yn y Ford Focus yn y fan a'r lle ac mae dyn arall, 29, a oedd yn teithio yn yr un cerbyd, yn parhau i gael triniaeth yn yr ysbyty.
Mae dynes 51 oed a dyn 54 oed a oedd yn teithio yn y Peugeot bellach wedi'u rhyddhau o'r ysbyty.
Mae plismyn yn apelio am wybodaeth.