Cyngres Europa: Y Drenewydd 1-2 Spartak Trnava

Mae taith Y Drenewydd yn Ewrop ar ben am eleni wedi iddyn nhw golli i Spartak Trnava o Slofacia.

Fe gollodd y Drenewydd o 4-1 yn y cymal cyntaf yn Trnava - gan olygu bod angen buddugoliaeth o dair gôl neu fwy ar y tîm cartref os am sicrhau eu lle yn nhrydedd rownd ragbrofol Cyngres Europa.

Fe aeth Y Drenewydd ar y blaen yn yr hanner cyntaf diolch i gic o'r smotyn gan Aaron Williams.

Ond gyda llai nag 20 munud yn weddill fe lwyddodd Martin Bukata i ddod a'r ymwelwyr yn gyfartal.

Munudau yn ddiweddarach, fe sgoriodd Bukata ei ail gan ymestyn mantais Spartak Trnava i 6-2 ar gyfanswm goliau.