Y Bencampwriaeth: Rotherham 1-1 Abertawe

Bu'n rhaid i Abertawe setlo am gêm gyfartal i ddechrau eu tymor yn y Bencampwriaeth wrth iddyn nhw deithio oddi cartref i herio Rotherham.

Aeth y tîm cartref ar y blaen wedi ychydig dros chwarter awr, wrth i Chiedozie Ogbene benio heibio'r golwr Andy Fisher i gefn y rhwyd.

Wedi 38 munud roedd yr Elyrch yn gyfartal ar ôl i'r amddiffynnwr Harry Darling sgorio gydag ergyd o bellter ar ei ymddangosiad cystadleuol cyntaf i'r clwb.

Daeth cyfle gorau'r ail hanner i Michael Obafemi, ond fe wnaeth smonach o'i ergyd wrth y postyn pellaf, wrth i'r gêm orffen yn gyfartal.