Tri yn yr ysbyty wedi gwrthdrawiad ger Llyn Tegid
- Cyhoeddwyd
Fe ddigwyddodd y gwrthdrawiad ar y B4391 ger Rhosygwaliau brynhawn Sadwrn
Mae tri o bobl wedi cael eu cludo i'r ysbyty yn dilyn gwrthdrawiad ger Llyn Tegid yn Y Bala.
Cafodd y gwasanaethau brys eu galw i'r digwyddiad ar y B4391 ger Rhosygwaliau toc cyn 14:00 ddydd Sadwrn.
Dywedodd yr heddlu fod dau gar wedi taro'i gilydd, a bu'n rhaid i'r gwasanaeth tân ac achub dorri un person yn rhydd.
Cafodd tri pherson eu cludo i'r ysbyty, ond does dim gwybodaeth am eu cyflwr hyd yma.