Y Bencampwriaeth: Abertawe 0-1 Sheffield United
- Cyhoeddwyd
Gôl-geidwad Steven Benda yn arbed peniad cynnar Rhys Norrington-Davies
Croesawu'r tîm ar frig y Bencampwriaeth wnaeth Abertawe nos Fawrth ac roedd yr hanner cyntaf yn fywiog iawn gyda'r chwarae yn gwibio o un pen y cae i'r llall ond neb yn sgorio.
Fe gafodd un o chwaraewyr tîm Cymru, Rhys Norrington-Davies, gêm eithriadol o dda gan greu problemau i amddiffyn Abertawe yn aml iawn.
Awyrgylch fywiog debyg oedd yn yr ail hanner ac roedd sawl cyfle da iawn i Abertawe ond doedd neb yn sgorio.
Roedd ymosodiadau Sheffield yn cryfhau ond Abertawe yn parhau i amddiffyn yn gryf.
Ond yna yn eiliadau olaf y gêm dyma Sheffield Utd yn sgorio gôl i gipio'r triphwynt - trwy ymosodiad chwim fe rwydodd Reda Khadra gydag ergyd droed dde i gornel chwith y rhwyd.
Felly unwaith eto mae Abertawe wedi colli'r gêm wedi gôl yn y munudau olaf ac mae Sheffield yn parhau ar frig y Bencampwriaeth.