Ymchwilio i farwolaeth gweithiwr mewn ffatri ddur
- Cyhoeddwyd
Cafodd yr heddlu eu galw i "argyfwng meddygol" ar safle Tata Steel yn Llan-wern yn yr oriau mân fore Mercher
Mae Heddlu Gwent yn ymchwilio wedi i ddyn farw tra'n gweithio mewn ffatri ddur yng Nghasnewydd.
Cafodd y llu eu galw i "argyfwng meddygol" ar safle Tata Steel yn Llan-wern am 03:50 fore Mercher.
Fe gafodd dyn 50 oed o Gwmbrân ei gyhoeddi'n farw yn y fan a'r lle.
Dywedodd Tata Steel fod marwolaeth un o'i weithwyr yn "drist dros ben".
"Iechyd a diogelwch ein gweithwyr, contractwyr ac ymwelwyr sydd wastad wedi bod, ac sy'n parhau, y flaenoriaeth bwysicaf," meddai llefarydd.
"Rydym yn meddwl am deulu, ffrindiau a chydweithwyr yr aelod o staff ar yr amser gofidus yma.
Mae'r Gweithgor Iechyd a Diogelwch wedi cael gwybod am y farwolaeth.