Maesycwmer: Dyn, 31, wedi marw ar ôl i fan daro wal

Digwyddodd y gwrthdrawiad yn gynnar fore Sadwrn yn ôl yr heddlu

Mae dyn 31 oed wedi marw ar ôl i'r fan yr oedd yn ei yrru daro wal.

Cafodd parafeddygon eu galw i Vale View, Maesycwmer yn Sir Caerffili tua 01:15 fore Sadwrn.

Yn ôl yr heddlu, cafodd y gyrrwr, Aled Angel, ei gludo i Ysbyty Athrofaol Cymru yng Nghaerdydd lle fu farw yn sgil ei anafiadau.

Dywedodd Heddlu Gwent bod ei deulu wedi cael gwybod am ei farwolaeth a'u bod yn derbyn cefnogaeth.

Mae swyddogion yn apelio am wybodaeth gan dystion.