Y Bencampwriaeth: Abertawe 3-2 Reading

Mewn gêm gyffrous yn Abertawe, Jay Fulton lwyddodd i sicrhau buddugoliaeth i'r Elyrch nos Fawrth.

I ddechrau roedd pethau'n edrych yn addawol i Reading gyda dwy gôl - y naill gan Yakou Meite a'r llall gan Tom Ince.

Ond, fe darodd Abertawe'n ôl gyda pheniad gan Harry Darling.

Ollie Cooper ddaeth â'r ail ac yna'r drydedd gan Fulton yn sicrhau chweched buddugoliaeth yr Elyrch o fewn wyth gêm.

Mae Abertawe wedi dringo i'r seithfed safle ar y tabl, a'u gwrthwynebwyr, Reading, yn gostwng i'r nawfed safle.