Y Bencampwriaeth: Huddersfield Town 0-0 Abertawe
- Cyhoeddwyd
Mae rhediad diweddar Abertawe heb fuddugoliaeth yn y Bencampwriaeth yn parhau wedi gêm ddi-sgôr oddi cartref yn erbyn y tîm ar waelod y tabl.
Roedd hynny er i'r Elyrch sicrhau 75% o'r meddiant a mwyafrif y cyfleoedd ar y gôl.
Yr eilydd Michael Obafemi ddaeth yn agosaf at rwydo ond fe darodd ei ymdrech, wedi 83 o funudau, y trawst.
Roedd angen arbediad hwyr hefyd gan y golwr Steven Benda i atal Danny Ward rhag sgorio i Huddersfield.
Er gwaethaf tri munud o amser ychwanegol 0-0 oedd y sgôr terfynol ac mae'r Elyrch yn aros yn yr wythfed safle gyda 31 o bwyntiau.