Blaenau Ffestiniog: Apêl ar ôl i ddyn gael anafiadau difrifol
- Cyhoeddwyd
Digwyddodd y gwrthdrawiad ar y B4391 ger Blaenau Ffestiniog
Mae Heddlu'r Gogledd yn apelio am dystion ar ôl i ddyn gael anafiadau sy'n peryglu ei fywyd mewn gwrthdrawiad yng Ngwynedd.
Roedd dau gerbyd mewn gwrthdrawiad ar y B4391 ym Mlaenau Ffestiniog tua 13:00 ddydd Sadwrn.
Cafodd un dyn ei gludo i'r ysbyty yn Stoke mewn ambiwlans awyr gydag anafiadau sy'n peryglu ei fywyd.
Bu'r ffordd ar gau wedi'r digwyddiad, ond cafodd ei hail-agor yn fuan wedi 19:00.
Mae'r heddlu yn gofyn i unrhyw un oedd yn teithio yn yr ardal ac a welodd unrhyw beth, neu sydd â lluniau dash cam o'r digwyddiad i gysylltu â nhw drwy eu gwefan neu drwy alw 101, gan nodi cyfeirnod B175068.