Ymosodiad ci Caerffili: Menyw 83 wedi marw o'i hanafiadau

Mae ymchwiliad yr heddlu i'r digwyddiad yn Heol Fawr, Caerffili yn parhau

Mae menyw 83 oed wedi marw dros bythefnos ar ôl i gi ymosod arni yng Nghaerffili.

Cafodd y fenyw ei chludo i'r ysbyty ar ôl y digwyddiad ar ddydd Sadwrn, 3 Rhagfyr.

Bu fawr o'i hanafiadau yn ystod oriau mân fore Mawrth, 20 Rhagfyr.

Dywed yr heddlu fod dyn 55 oed a gafodd driniaeth am fân anafiadau bellach wedi'i ryddhau o'r ysbyty.

Yn dilyn y digwyddiad mewn tŷ yn Heol Fawr, cafodd pedwar o bobl eu harestio ar amheuaeth o fod yn gyfrifol am gi oedd yn beryglus ac allan o reolaeth.

Mae'r pedwar wedi cael eu rhyddhau ar fechnïaeth amodol.

Cafodd y ci, bully cross cane corso XL du, ei ddifa ar ôl y digwyddiad.

Dywed Heddlu Gwent fod yr ymchwiliad yn parhau a'u bod yn parhau i gasglu tystiolaeth.