Merch, 3 oed, yn cael ei hanafu wedi gwrthdrawiad
- Cyhoeddwyd
Fe ddigwyddodd y gwrthdrawiad ar ffordd y B4251 amser cinio ddydd Nadoig
Mae merch dair oed ymhlith tri o bobl sydd wedi'u hanafu yn ddifrifol mewn gwrthdrawiad yn sir Caerffili ddydd Nadolig.
Mae dyn, 29, wedi cael anafiadau sydd yn peryglu ei fywyd a dynes, 33, wedi'i hanafu wedi'r gwrthdrawiad ar ffordd y B4251 yng Nghoed-duon oddeutu 13:00.
Mae dau ddyn wedi cael eu harestio - y ddau ar amheuaeth o achosi anafiadau difrifol drwy yrru'n beryglus ac o yrru o dan ddylanwad alcohol a chyffuriau.
Mae Heddlu Gwent yn apelio am wybodaeth.
Roedd y tri a anafwyd ac a gludwyd i'r ysbyty yn teithio mewn car Vauxhall Corsa ar hyd rhiw Yard Coal.
Dywed plismyn bod gyrrwr car Mini Cooper wedi cael mân anafiadau ac yna wedi ei arestio.
Mae'r heddlu hefyd wedi arestio dyn, 25, a oedd yn teithio mewn car Vauxhall Astra coch.
Mae'r ddau ddyn wedi'u cadw yn y ddalfa.