Teyrnged i nain 'ofalgar ac egnïol' wedi gwrthdrawiad yn Abergele
- Cyhoeddwyd
Mae teulu Mary Wynne Williams wedi ei disgrifio fel mam, gwraig a nain gariadus
Mae teulu dynes 71 oed fu farw ar ôl gwrthdrawiad yn Abergele, Conwy wedi ei disrifio fel "gwraig, mam a nain gariadus".
Bu farw Mary Wynne Williams o Fetws-y-coed yn dilyn y gwrthdrawiad ar Heol San Sior tua 21:00 ar 23 Rhagfyr.
Dywedodd yr heddlu fod car Seat Leon llwyd yn gysylltiedig â'r digwyddiad a'u bod yn apelio am dystion.
Ychwanegodd y llu fod y teulu'n cael eu cefnogi gan swyddogion arbenigol.
'Hwyliog, gofalgar ac egnïol'
Mewn teyrnged, dywedodd teulu Mary Wynne Williams ei bod yn "wraig gariadus i Richard, mam i Tom, Jane a Henry a nain Mary i Olwen a Hedd.
"Mi fydd hi'n gadael bwlch enfawr ym mywydau ei theulu a'u ffrindiau niferus.
"Roedd Mary'n bresenoldeb anhygoel o hwyliog, gofalgar ac egnïol.
"Mae ei ffrindiau a theulu mewn sioc."
Mae'r heddlu'n parhau i ymchwilio i'r digwyddiad.