Trefynwy: Arestio dynes wedi marwolaeth pensiynwraig
- Cyhoeddwyd
Bu farw'r ddynes 75 oed yn yr ysbyty ar ôl y digwyddiad
Mae dynes wedi marw yn dilyn gwrthdrawiad mewn maes parcio archfarchnad ar nos Galan.
Bu farw'r ddynes 75 oed yn yr ysbyty ar ôl y gwrthdrawiad a ddigwyddodd tua 16:20 GMT ger archfarchnad Waitrose ar Stryd Mynwy, Trefynwy.
Mae dynes 44 oed o Drefynwy wedi'i harestio ar amheuaeth o achosi anaf difrifol drwy yrru'n beryglus.
Dywedodd Heddlu Gwent ei bod wedi'i rhyddhau tra bod ymchwiliadau'n parhau.
Mae'r llu yn apelio am dystion ac unrhyw recordiad dashcam a gwybodaeth am Toyota Yaris coch a welwyd yn cael ei yrru yn y maes parcio.