Dynes wedi marw yn dilyn gwrthdrawiad tri cherbyd
- Cyhoeddwyd
Digwyddodd y gwrthdrawiad ar hyd yr A467 rhwng Crymlyn ac Aber-bîg
Mae dynes 59 oed o ardal Casnewydd wedi marw yn dilyn gwrthdrawiad rhwng lori a dau gar yn Sir Caerffili.
Dywedodd Heddlu Gwent fod y gwrthdrawiad wedi digwydd am tua 13:20 ddydd Gwener, ar ffordd yr A467 rhwng Crymlyn ac Aber-bîg.
Cafodd y Gwasnaeth Ambiwlans, ambiwlans awyr a swyddogion tân hefyd eu galw i'r digwyddiad tri cherbyd - Ford Ka du, Citroen C1 glas, a lori.
Yn dilyn hynny cafodd gyrrwr y Ford Ka ei chludo i'r ysbyty, ble bu farw o'i hanafiadau.
Mae ei theulu wedi cael gwybod ac yn derbyn cymorth gan swyddogion arbenigol.
Yn y cyfamser mae Heddlu Gwent wedi apelio ar unrhyw un â gwybodaeth neu luniau dashcam o ffordd yr A467 rhwng 13:00 a 14:00 y diwrnod hwnnw i gysylltu â nhw.