Siom i Mark Williams yn ffeinal snwcer y Meistri

Cafodd y Cymro Mark Williams ei drechu o 10-8 gan Judd Trump yn ffeinal pencampwriaeth snwcer y Meistri yn Alexandra Palace yn Llundain nos Sul.

Mewn ffeinal ddramatig, roedd Trump ar y blaen o 5-3 wedi sesiwn y prynhawn, ond fe ddaeth Williams yn ôl i arwain o 7-8.

Ond Trump lwyddodd i ennill y tair ffrâm olaf i sicrhau'r fuddugoliaeth a'r wobr ariannol o £250,000.

Pe bai Williams wedi ennill, ef fyddai'r person hynaf erioed i ennill y Meistri, ag yntau bron yn 48 oed.

Mae'r Cymro wedi ennill y bencampwriaeth ar ddau achlysur yn y gorffennol, ond roedd y diweddaraf o'r rheiny 20 mlynedd yn ôl.