Y Bencampwriaeth: QPR 1-1 Abertawe

Gêm gyfartal oedd hi rhwng QPR ac Abertawe ddydd Sadwrn a hynny rhwng dau dîm hynod o gyfartal.

Brwydr canol y bencampwriaeth oedd yn wynebu Abertawe yn Loftus Road ac er chwarae hyderus Abertawe fe rwydodd cyn-ymosodwr yr Elyrch, Jamal Lowe, gydag ergyd droed dde ar ôl 27 munud.

Prin oedd yr ymdrechion i gyfeiriad y gôl gan yr Elyrch er i Abertawe reoli'r meddiant.

Daeth Abertawe yn gyfartal ryw naw munud cyn diwedd y gêm wrth i Jay Fulton sgorio gydag ergyd troed dde. Roedd hynny i'w ddisgwyl wrth i chwarae Abertawe gryfhau.

Yn y munudau olaf roedd y naill dim a'r llall ar dân i sgorio.

Roedd cefnogwyr Abertawe yn meddwl iddynt fynd ar y blaen ond roedd Piroe yn cam sefyll.