Pencampwriaeth Rygbi: Dreigiau 28-42 Glasgow Warriors
- Cyhoeddwyd
Roedd Rhodri Williams ymysg sgorwyr ceisiau'r Dreigiau
Roedd hi'n fuddugoliaeth gyfforddus i'r Warriors wrth i'r tîm o'r Alban wneud y daith i Rodney Parade brynhawn Sadwrn.
Sgoriodd bachwr yr Alban, Fraser Brown, ddau gais tebyg iawn yn yr hanner cyntaf yn dilyn sgôr gynnar Cole Forbes.
Croesodd Duncan Weir hefyd cyn i Stafford McDowell a Sebastian Cancelliere ychwanegu at y sgorfwrdd.
Ond er y perfformiad siomedig, yn fwy calonogol i'r tîm cartref fe gipiodd Chris Coleman bwynt bonws hwyr.
Sgorwyd ceisiau eraill y Dreigiau gan Rhodri Williams, Sio Tomkinson a Taine Basham.
Golyga'r canlyniad fod y Dreigiau bellach yn 15fed yn y tabl.