Pencampwriaeth Rygbi Unedig: Scarlets 32-20 Sharks

Steff Evans sgoriodd y cais agoriadol

Fe ddathlodd Scarlets wedi buddugoliaeth yn y Pencampwriaeth Rygbi Unedig yn erbyn carfan gref y Sharks yn Llanelli.

Fe sgoriodd yr asgellwr, Steff Evans, ddau gais gyda'r maswr Sam Costelow yn sicrhau 22 o bwyntiau trwy giciau llwyddiannus, gan gynnwys chwe chic gosb.

Fe wnaeth y Sharks ymateb gyda cheisiau gan y capten Siya Kolisi a'r bachwr Bongi Mbonambi.

Fe giciodd y maswr Curwin Bosch 10 o bwyntiau ond doedd dim modd trechu'r Scarlets brynhawn Sadwrn.

Mae carfan Dwayne Peel yn wynebu dwy gêm arall yn y bencampwriaeth, yn erbyn Glasgow'n gyntaf ac yna'r Dreigiau.