Pencampwriaeth Rygbi Unedig: Zebre 30-34 Caerdydd
- Cyhoeddwyd
Llwyddodd Caerdydd i drechu Zebre a sicrhau pwynt bonws mewn gêm agos oddi cartref yn Parma nos Wener.
Y tîm cartref aeth ar y blaen gyda chais cynnar gan Simone Gesi, cyn i'r ymwelwyr daro 'nôl gyda dau gais i James Botham.
Daeth cais arall i'r Eidalwyr gan Leonardo Krumov, gan olygu mai 15-17 i Gaerdydd oedd hi ar yr egwyl.
Llwyddodd y Cymry i sicrhau'r pwynt bonws ar ddechrau'r ail hanner gyda cheisiau gan Mason Grady a Liam Belcher.
Er i Jacopo Trulla a Matt Kvesic hefyd sicrhau pwynt bonws i Zebre, roedd Caerdydd eisoes wedi gwneud digon i sicrhau'r fuddugoliaeth.