Cwpan Her Ewrop: Scarlets 19-7 Brive

Vaea Fifita sgoriodd cais agoriadol y Scarlets

Llwyddodd y Scarlets i ddal ymlaen a sicrhau buddugoliaeth bwysig ar domen eu hunain nos Wener.

Roedd cais gwefreiddiol Vaea Fifita yn dyngedfennol wrth i dîm Dwayne Peel gyrraedd rownd wyth olaf Cwpan Her Ewrop.

Daeth ei gais yn fuan wedi i Stuart Olding groesi yn erbyn rhediad y chwarae i'r ymwelwyr.

Ond seliwyd y fuddugoliaeth diolch i gais Aaron Shingler gyda dau funud yn weddill, i fawr foddhad y dorf gartref.

Er i gic Rhys Patchell daro'r postyn wrth i'r dyfarnwr chwythu'r chwiban olaf, roedd y Scarlets eisoes yn edrych ymlaen at groesawu Clermont-Auvergne i Barc y Scarlets penwythnos nesaf.