Y Gynghrair Genedlaethol: Wrecsam 5-1 Oldham
- Cyhoeddwyd
Roedd yna fuddugoliaeth sylweddol i Wrecsam eto brynhawn Sadwrn ar y Cae Ras.
Roedd y tîm cartref yn gwbl benderfynol ar ddechrau'r gêm gyda dau gyfle i sgorio yn y 10 munud cyntaf.
Fe ddaeth gôl erbyn canol yr hanner cyntaf wrth i ergyd gan Mullins daro'r trawst, ac i'r bêl syrthio i draed Eoghan O'Connell ac yntau yn rhwydo.
Daeth ail gôl yn fuan iawn wedyn - peniad syml gan Paul Mullin ac roedd y fantais wedi dyblu.
Wrth i'r hanner cyntaf ddod i ben roedd yna gryn syndod ar y Cae Ras wrth i Oldham gipio gôl drwy Liam Hogan a hynny yn erbyn llif y chwarae.
Elliot Lee oedd un o'r sgorwyr brynhawn Sadwrn yn erbyn Wrecsam
Ateb Wrecsam oedd rhwydo o fewn pedair munud ar ddechrau'r ail hanner - Elliot Lee oedd y sgoriwr y tro hwn.
Yna fe ddaeth gôl arall i Paul Mullin ar ôl 70 munud wedi croesiad gan Ryan Barnett.
Doedd pedair gôl ddim yn ddigon i Wrecsam ac fe ddaeth trithro (hat-trick) i Mullin gydag ergyd rymus o 25 llath.
Mae Wrecsam wedi dychwelyd i frig y gynghrair unwaith yn rhagor gyda pherfformiad penderfynol unwaith eto.