Adran Dau: Casnewydd 3-0 Northampton

Fe ddaeth dwy gôl hwyr i sicrhau buddugoliaeth gadarn i Gasnewydd adref yn erbyn Northampton dros ŵyl y banc.

Omar Bogle lwyddodd i sicrhau'r gôl agoriadol a hynny funudau cyn hanner amser.

Fe ddaeth ei ail gôl yn ystod amser ychwanegol tua diwedd y gêm.

Fe fyddai'r tîm cartref wedi bod yn fodlon â'r ddwy honno, ond eiliadau cyn y diwedd fe lwyddodd Charlie McNeill gyda'i droed chwith i sicrhau'r drydedd.

Mae Casnewydd yn symud i'r 17eg safle yn y tabl wrth iddyn nhw ymestyn eu rhediad heb golli i chwech yn olynol.