Adran Dau: Casnewydd 2-0 Hartlepool
- Cyhoeddwyd
Mickey Demetriou sgoriodd ail gôl yr Alltudion
Llwyddodd Casnewydd i drechu Hartlepool o ddwy gôl yn Rodney Parade brynhawn Sadwrn.
Aeth yr Alltudion ar y blaen wedi ychydig dros chwarter awr o chwarae, gydag Omar Bogle yn rhwydo gydag ergyd wych dros ei ben ei hun.
Dyblwyd y fantais ar drothwy hanner amser wrth i Mickey Demetriou sgorio yn dilyn ansicrwydd yng nghwrt cosbi yr ymwelwyr.
Mae'r canlyniad yn golygu fod Casnewydd yn codi un safle i 17eg yn Adran Dau, gyda phum gêm o'r tymor yn weddill.