Rygbi Dydd y Farn: Gweilch 21-38 Caerdydd

Roedd hi'n fuddugoliaeth gyfforddus i Gaerdydd yn erbyn y Gweilch ar 'Ddydd y Farn' yn Stadiwm Principality.

Fe sgoriodd Thomas Young ddau gais a chreu un arall wrth i'w dîm ennill eu lle yng Nghwpan Heineken ar gyfer y tymor nesaf.

Fe groesodd Max Llewellyn a Mason Grady hefyd tra y gwnaeth Sam Parry, Gareth Thomas a Dewi Lake ymateb yn yr ail hanner ar gyfer y Gweilch.

Ond roedd hi'n rhy hwyr i sicrhau buddugoliaeth i'r tîm o Abertawe yn y gêm allai fod wedi gweld Alun Wyn Jones yn ymddangos am y tro olaf.

Fe gododd Rygbi Caerdydd y darian wedi'r gêm gan sicrhau eu lle ym mhrif gystadleuaeth Ewropeaidd y clybiau rygbi dymor nesaf.