Pwllheli: Arestio dyn ar amheuaeth o greulondeb anifeiliaid
- Cyhoeddwyd
RSPCA Cymru sy'n arwain yr ymchwiliad, medd yr heddlu
Mae dyn 31 oed o Wynedd wedi cael ei arestio ar amheuaeth o greulondeb tuag at anifeiliaid.
Dywedodd Heddlu Gogledd Cymru fod y dyn wedi cael ei arestio mewn cysylltiad â digwyddiad ar 20 Ebrill yn ardal Pwllheli.
Dywedodd RSPCA Cymru eu bod "mewn cyswllt â Heddlu Gogledd Cymru yn dilyn y digwyddiad honedig".
"Rydym yn deall cryfder y teimlad gan y gymuned a hoffem ddiolch i'r rheiny sydd wedi cysylltu gyda ni," meddai llefarydd.
Ychwanegodd Heddlu'r Gogledd fod y dyn wedi ei ryddhau ar fechnïaeth amodol tra bod ymchwiliadau'n parhau.