Adran Dau: Casnewydd 2-2 Crewe Alexandra
- Cyhoeddwyd
Omar Bogle sgoriodd ddwy gôl Casnewydd
Cipiodd Crewe gêm gyfartal yng Nghasnewydd ym munudau olaf yr amser ychwanegol ddydd Llun a hynny wedi i Lachlan Brook rwydo yn yr eiliadau olaf.
Funudau ynghynt roedd Omar Bogle o Gasnewydd wedi sgorio yn ystod yr amser ychwanegol.
Bogle wnaeth hefyd sgorio gôl gyntaf y tîm cartref gyda chic o'r smotyn gan ddod â'r sgôr i 1-1 wedi i Rio Adebisi sgorio i Crewe yn yr ail hanner.
Mae'r canlyniad yn gadael Casnewydd yn y 15fed safle, dau le y tu ôl i Crewe sydd yn gorffen yn 13eg.
Dyma oedd 300fed ymddangosiad Mickey Demetriou i'r tîm cartref, ac o bosib yr un olaf gyda'i gytundeb fod i ddod i ben ar ddiwedd y tymor.