Y naturiaethwr Iolo Williams wedi cael triniaeth am emboledd

Cyflwynwyr Springwatch

Roedd disgwyl i Iolo Williams (ail o'r dde) gyflwyno'r gyfres gyda Chris Packham, Michaela Strachan a Gillian Burke

Mae'r naturiaethwr Iolo Williams wedi dweud na fydd yn cyd-gyflwyno rhaglen BBC Springwatch eleni ar ôl cael triniaeth ar emboledd.

Mewn neges ar Twitter gyda llun ohono yn ei wely ysbyty, dywedodd ei fod wedi cael stent wedi'i osod fis diwethaf.

Fe wnaeth hwnnw ryddhau ceulad gwaed, wnaeth yn ei dro rwystro rhydweli ac achosi emboledd (embolism) yr wythnos hon.

"Diolch i ffrindiau gwych, teulu hyfryd a'r GIG gwych," meddai yn ei neges.

Bydd cyfres newydd Springwatch yn dechrau ddydd Llun, ac yn para am dair wythnos.

Roedd disgwyl i Iolo Williams gyflwyno'r gyfres gyda Chris Packham, Michaela Strachan a Gillian Burke.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Iolo Williams

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Awgrymodd Williams yn ei neges y bydd Megan McCubbin - llysferch Chris Packham sydd wedi cyflwyno dros dro yn y gorffennol - yn cymryd ei le ar y rhaglen.

"Pob hwyl Megan a thîm SW," meddai.

Pynciau cysylltiedig

Straeon perthnasol