Llanelli: Gyrrwr fan wedi marw mewn gwrthdrawiad tri cherbyd
- Cyhoeddwyd
Fe dderbyniodd Heddlu Dyfed-Powys adroddiad o wrthdrawiad ar yr A4138 rhwng fan Mercedes Sprinter, lori DAF a lori Volvo
Mae gyrrwr fan wedi marw yn dilyn gwrthdrawiad angheuol rhwng Llanelli a Llangennech yn ystod oriau mân fore Gwener.
Am oddeutu 02:30 fe dderbyniodd Heddlu Dyfed-Powys adroddiad o wrthdrawiad ar yr A4138 rhwng fan Mercedes Sprinter, lori DAF a lori Volvo.
Cyhoeddodd y llu fod gyrrwr y fan wedi marw yn y fan a'r lle.
Ychwanegon nhw fod perthnasau wedi eu hysbysu ac yn derbyn cefnogaeth swyddogion arbenigol.