Canfod corff dyn ar draeth Rhoscolyn ar Ynys Môn
- Cyhoeddwyd
Mae Heddlu Gogledd Cymru wedi cadarnhau y cafodd corff dyn ei ganfod ar draeth Rhoscolyn ar Ynys Môn fore Mercher.
Cadarnhaodd llefarydd bod plismyn wedi'u galw i'r traeth am 09:45.
Dywedodd y llu fod ymholiadau yn parhau er mwyn ceisio adnabod y person a chanfod pa amgylchiadau oedd yn gysylltiedig â'r farwolaeth.
Ychwanegodd Heddlu'r Gogledd bod y crwner wedi'i hysbysu.