Y Bencampwriaeth: Abertawe 1-1 Birmingham
- Cyhoeddwyd
Sicrhaodd Jerry Yates bwynt i'r Elyrch
Gêm gyfartal oedd tynged yr Elyrch ar drothwy tymor newydd yn y Bencampwriaeth.
Gydag ond chwarter awr yn weddill roedd hi'n ymddangos mai'r ymwelwyr fyddai'n mynd a hi diolch i ergyd Siriki Dembele ar ddiwedd yr hanner cyntaf,
Ac mae'n debyg bydd Birmingham yn teimlo'n fwy rhwystredig gyda'r gêm gyfartal o ystyried eu bod wedi creu gwell cyfleoedd dros y 90.
Ond ddoth Jerry Yates i achub Abertawe wrth unioni'r sgôr o groesiad Liam Cullen wedi 74 munud.
Daeth cyfle hwyr i Ivan Sunjic ennill hi i'r ymwelwyr ond sicrhawyd mai pwynt yr un fyddai hi diolch i arbediad gwych gan Carl Rushworth yn y gôl i'r Elyrch.