Milwr wedi marw yn safle hyfforddi'r Fyddin ym Mhowys
- Cyhoeddwyd
Bu farw'r milwr yn ardal hyfforddi'r fyddin ym Mhontsenni
Mae milwr wedi marw ym Mhontsenni ym Mhowys, mae'r Fyddin wedi cadarnhau.
Mewn datganiad, dywedodd y fyddin bod y milwr wedi marw ar 20 Medi yn Ardal Hyfforddi Pontsenni.
Dywedodd y llefarydd bod eu meddyliau gyda theulu a ffrindiau'r milwr.
Bydd ymchwiliad i amgylchiadau'r farwolaeth, meddai'r datganiad, gan ychwanegu na fydd sylw pellach ar hyn o bryd.
Mae'r ardal i'r gogledd o Bontsenni yn cael ei defnyddio fel man hyfforddi gan y Weinyddiaeth Amddiffyn.