CPD Casnewydd: Cefnogwyr o blaid cais Jenkins i brynu'r clwb
- Cyhoeddwyd
Huw Jenkins oedd cadeirydd CPD Abertawe o fis Ionawr 2002 tan Chwefror 2019
Mae cefnogwyr Clwb Pêl-droed Casnewydd wedi pleidleisio o blaid cais cyn-gadeirydd Abertawe i brynu'r clwb.
Fe wnaeth dros 75% o aelodau cymdeithas gefnogwyr y clwb gymeradwyo cais Huw Jenkins mewn cyfarfod yn Rodney Parade nos Iau.
Ers 2015, cymdeithas cefnogwyr yr Alltudion sydd yn berchen ar y clwb ac yn ei redeg.
Mae Jenkins yn cynnig £500,000 er mwyn berchen ar 52% o'r clwb.
Fe wnaeth 455 allan o'r 464 o gefnogwyr a bleidleisiodd gefnogi cais Jenkins.
Bydd 27% o'r clwb a dau le ar y bwrdd yn parhau dan reolaeth y cefnogwyr.
Bydd angen i'r EFL gymeradwyo'r cais, proses all gymryd deufis.
Jenkins oedd cadeirydd CPD Abertawe o fis Ionawr 2002 hyd at fis Ebrill 2019. Yn y cyfnod hwnnw, fe ennillodd yr Elych bedwar dyrchafiad.